Jibek joly туристік пойызы алғаш рет Самарқандқа барды

Jibek joly туристік пойызы алғаш рет Самарқандқа барды. Бұл туристік пойыздың екінші сапары. Алғашқы жолында Jibek joly пойызы Ташкент қаласынан қайтқан болатын. Осы жолы қазақстандық саяхатшылар «Алматы — Түркістан — Ташкент — Самарқанд — Шымкент — Алматы» бағыты бойынша жол жүріп келеді. Сондай-ақ Kazakh Tourism ұйымдастыруымен саяхатшылар қатарына БАҚ өкілдері мен отандық блогерлер қосылды.

Қазақстан мен Өзбекстанның көрікті жерлеріне жол тартатын пойыз алғаш рет 2024 жылдың қараша айында іске қосылды. Тур 5 күнге созылды.

Бұл жоба Мемлекет басшысының туризмді дамыту жөніндегі тапсырмасына сәйкес «Қазақстан темір жолы» Ұлттық компаниясының ұйымдастыруымен жүзеге асырылды. Жобаны дамытуға ҚР Көлік министрлігі, Туризм және спорт министрлігі, Алматы қаласы мен Түркістан облысының әкімдіктері, сондай-ақ, «Өзбекстан темір жолдары» компаниясы серіктес ретінде үлес қосты.